ҚР-да 2014 жылы өткізілген ауыл шаруашылығы өнімінің бағасы 13,3%-ға өсті

«2014 жылғы ауылшаруашылық құрылымдары өткізген өсімдік шаруашылығы өнімі 20,8%-ға, мал шаруашылығы өнімі - 2,4%-ға қымбаттады», - делінген хабарламада.

Мәліметтерге сәйкес ағымдағы жылғы баға бидайға 24,7%, күрішке - 19,6%, арпаға - 9,5%, жүгеріге - 7,4%, тарыға - 1,8%-ға өсті, ал қарақұмыққа 15,4%, қара бидайға - 6,5%, сұлыға - 2,6%-ға төмендеді. Басты пияз 39,8%, картоп - 22,5%, қырыққабат - 21,8%, асханалық сәбіз - 16,4%, асханалық қызылша - 14,4%-ға қымбаттады. Баға бұршаққа 18,7%, қант қызылшасына - 5,6%-ға өсті, ал күнбағыс тұқымына 4,5%, өнделмеген темекіге - 3,9%, шитті-мақтаға - 2,6%-ға төмендеді. .

«Құс еті 12,4%, шошқа еті - 6,4%, жылқы еті - 4,5%, қара мал еті - 2,7%, қой еті 2,6%-ға қымбаттады. Баға жұмыртқаға 21,5%, жүнге - 1,4%-ға төмендеді, ал шикі сүтке 10,3%-ға өсті», - деп салалық комитеттен хабарлады.