• Басты
  • Ақмола облысында 40-тан астам адам микронесие алды

Ақмола облысында 40-тан астам адам микронесие алды

9 Қаңтар, 2015 18:33
«ЖҚЖК - 2020» бағдарламасының ауылдағы кәсіпкерлікке қолдау көрсету арқылы жаңа жұмыс орындарының ашылуына жағдай жасау - екінші кезеңі бойынша Ақмола облысының Қорғалжын ауданында 41 азамат жалпы сомасы 107,5 млн теңге микронесие алды, деп хабарлады «Ақмола Медиа Орталығы».

Несиенің мақсаты – малшаруашылығын дамыту, жол бойында шағын кафелер ашу, сүт пен күмісті қайта өңдеу, жолаушылар тасымалын дамыту, ветеринарлық дәріхана мен ТҚО ашу болып табылады.  Бұдан басқа, несиелер балықтан жасалған өнімдерді өңдеуге, бильярд клубын ашу сынды  бірқатар өзге де мақсаттарда берілді.

«Жұмыспен қамтудың жол картасы - 2020» бағдарламасының берері мол, несие алушылар 120-ға жуық жаңа жұмыс орындарын ашатын болады. Жалпы, ауданда жұмыспен қамтылғандар саны артып, өз-өзін жұмыспен қамтығандар саны төмендеді.

Атап өтерлік жайт, Қазақстанда бірқатар мемлекеттік бағдарламалар жүзеге асырылып келеді. Олардың ішінде «Жұмыспен қамтудың жол картасы - 2020» бағдарламасының алар орны бөлек. Бағдарламаның  инфрақұрылымдар мен ТКШ-ны, ауыл кәсіпкерлігін дамыту сынды бірқатар маңызды бағыттары баршылық. 

Барлық жаңалықтар