• Басты
  • ҚР-да тәжірибелік-құрастыру жұмыстарын қаржыландыру көлемі артады – БҒМ

ҚР-да тәжірибелік-құрастыру жұмыстарын қаржыландыру көлемі артады – БҒМ

9 Қаңтар, 2015 12:02
ҚР-да тәжірибелік-құрастыру жұмыстарын қаржыландыру көлемі артады, деп мәлімдеді бүгін ОКҚ брифингінде білім және ғылым вице-министрі Такир Балықбаев.

«Әлемдік тәжірибеде ғылымды қаржыландыру былайша жүзеге асырылады: бөлінетін қаражаттың 40 пайызы негізгі-қолданбалы зерттеулерге бағытталса, 60 пайызы тәжірибелік-құрастыру жұмыстарына бөлінеді. Өкінішке орай, елімізде негізгі-қолданбалы зерттеулерге бөлінетін қаражаттың үлесі 84 пайыз болса, 16 пайызы тәжірибелік-құрастыру жұмыстарына тиесілі», - дейді Т.Балықбаев.  

«Қазіргі таңда біз тәжірибелік-құрастыру жұмыстарына бөлінетін қаражат көлемін арттырып, ғалымдардың бизнеспен бірге ғылыми жұмыстардың нақты нәтижесін ұсынуына жағдай жасап жатырмыз», - дейді.

Вице-министрдің айтуынша, ҚР Білім және ғылым министрлігі гранттық жаңа бағдарламалар дайындауда.

Айта кету керек, 2050 жылға қарай Қазақстандағы ғылымды қаржыландыру ЖІӨ-нің кемінде 3 пайызын құрауы керек.

Камила Амирова

Барлық жаңалықтар