Мәжілісте жаңа жылдағы алғашқы пленарлы отырыстың мәселесі анықталды
9 Қаңтар, 2015 12:31
Бүгін Қабиболла Жақыповтың төрағалығымен өткен ҚР Парламенті Мәжілісінің бюросында жаңа жылдағы бірінші пленарлы отырыстың мәселесі анықталды, деп хабарлады Мәжілістің баспасөз қызметі.
«Депутаттардың талқылауына балаларды олардың денсаулығына және дамуына кері әсерін тигізетін ақпараттан қорғау бойынша заңжобасы, «Халықтың денсаулығы және денсаулық сақтау жүйесі туралы» Кодекске өзгертулер енгізу, зияткерлік меншік туралы құқықтық реттеу саласына жаңалық енгізу мәселелері ұсынылады», - делінген хабарламада.
Жалпы, отырыстың күнтәртібінде үлкен заңжобалар жиынтығы болады. Олардың ішінде бірқатар келісімдерді ратификациялауда бар.
Баспасөз қызметінен атап өткендей, Мәжіліске келіп түскен құжаттар мен заңнамалық түзетулерде қылмыстық атқару заңнамасын жетілдіру, миграция мен жұмыспен қамту мәселелері де қамтылған.
