Ғылым бизнестің сұранысына жұмыс істеуі тиіс – Балықбаев (ФОТО)

«Өткен жылы ұлттық ғылыми кеңес құрамын өзгерттік. Ұлттық ғылыми кеңес құрамындағылардың жартысынан көбі бизнес пен индустрия өкілдері. Ондағы жұмыстың басты мақсаты ғылымның бизнес игілігіне жұмыс істеуін қамтамасыз ету», - дейді Т.Балықбаев.  

Сонымен қатар, оның айтуынша, соңғы үш жылда публикациялық белсенділік алдыңғы жылдармен салыстырғанда шамамен 34%-ға артқан.

«Бұл елде ғылыми әлеуеттің жоғары екенін көрсетеді. Қазіргі таңда басты мәселе ғылыми жұмыстарды өндіріске енгізу», - дейді министр орынбасары.

Айта кету керек, Елбасы «Қазақстанның жаңа индустрияландырылуы: 2014 жыл мен бірінші бесжылдықтың нәтижесі» атты жалпыұлттық телекөпір барысында үздік инноваторларға мемлекеттік сыйлық беру керектігін айтқан еді.  

Мемлекет басшысының айтуынша, ел ішіндегі инновация мен ғылымды ынталандыруымыз керек. «Инноватор сөзі барлығының аузында болуы тиіс. Инноваторларды барлық жерде ынталандырып, оларды мақтап, марапаттап, елге үлгі ретінде көрсетіп отыру керек», - деген еді Елбасы.

Камила Амирова