Степногорскта 2015 жылы автожолдарды жөндеу үшін 22 млн теңге бөлінді

9 Қаңтар, 2015 13:32

Ақмола облысының Степногорск қаласындағы автожолдарды жөндеуден өткізу үшін 2015 жылы 22 млн теңгеден астам қаржы бөлінді, деп хабарлады «Ақмола Медиа Орталығы».

«Тұрғын үй коммуналды шаруашылық, жолаушылар көлігі мен автомобиль жолдары бөліміне 2012-2020 жылдарға арналған Моноқалаларды дамыту бағдарламасы аясында қаланы абаттандыру мақсатында (жолдарды, алаңдар мен северлерді және т.б. жөндеу үшін) 525 000 мың теңге бөлінді. Оның 250 000 мың теңгесі республикалық бюджеттен, 275 000 мың теңгесі облыстық бюджеттен берілді», - делінген хабарламада.

Автомобиль жолдарын салу және жөндеуден өткізу үшін 22 222 мың теңге жұмсалатын болады. Атап айтар болсақ, Степная көшесінің, Парковая көшесінен бастап 20 шағын ауданға дейінгі көшелерді қайта құру жобасына 200 000 мың теңге бағытталмақшы. Бұдан басқа, «Степногорск – Тазалық» ЖШС-ның жарғылық капиталын арттыру жолында 19 500 мың теңге қарастырылған.

Мәдениет және тілдерді дамыту бөліміне 30 500 мың теңге бөлінді. Қомақты қаржы «Горняк» ОМҮ-нің жылу, кәріз, өрт сөндіру жүйелерін жөндеу жұмыстарына бағытталады.

«Ақмола Медиа Орталығы» атап өткендей, кәсіпкерлік бөліміне 2012-2020 жылдарға арналған Моноқалаларды дамыту бағдарламасы аясында пайыздық үстемақыны субсидиялау үшін 65 189 мың теңгені бөлу көзделуде.

Барлық жаңалықтар