• Басты
  • Швецияда саяси-этникалық қоғаммен байланыс орнатудағы қазақстандық үлгі таныстырылады

Швецияда саяси-этникалық қоғаммен байланыс орнатудағы қазақстандық үлгі таныстырылады

9 Қаңтар, 2015 09:01
Бүгін «Ішкі және мемлекетаралық деңгейдегі этносаралық ынтымақтастық» атты халықаралық конференция аясында этносаралық байланыстың қазақстандық үлгісіне арналған арнайы панельді сессия өтеді.

Уппсала университетінде (Швеция, Уппсала қ.) «Ішкі және мемлекетаралық деңгейдегі этносаралық ынтымақтастық» атты  үшкүндік халықаралық конференция өз жұмысын бастады. ҚР Президенті жанындағы мемлекеттік басқару академиясы аталмыш шараның ұйымдастырушыларының бірі.

Хабарланғандай, аталмыш конференцияға Мемлекеттік басқару академиясының профессорлары мен ғылыми қызметкерлері, Қазақстан халқы Ассамблеясының   Ғылыми-сарапшылар кеңесі қатысуда.

Панельді сессия барысында  ҚР Президенті жанындағы Мемлекеттік басқару академиясының Этносаралық және конфессияаралық қарым-қатынастарды зерттеу орталығының басшысы А. Садуақасова  сөз сөйлейді. Ол қазақстандық этносаралық қарым қатынастың принциптеріне  егжей-тегжейлі тоқталып, кеңінен әңгімелеп береді. Бұдан басқа, шетелдік ғалымдарда өз ойларын ортаға салатын болады.

Естеріңізге сала кетейік, кеше Уппсала университетінде  Қазақстан халқы Ассамблеясы жылы мен Қазақстан Республикасы Конституциясының 20 жылдығын атап өтуге арналған, ҚР Үкіметі бекіткен Ұлттық жоспардың алғашқы шарасы өтті.

Барлық жаңалықтар