• Басты
  • Қазақстан әскерилері Жеңістің 70 жылдығына арналған парадқа дайындалуда

Қазақстан әскерилері Жеңістің 70 жылдығына арналған парадқа дайындалуда

8 Қаңтар, 2015 18:03
Қазақстанның әскери музыканттары Жеңістің 70 жылдығына орайластырылған әскери парадқа дайындалуда, деп хабарлайды ҚР Қорғаныс министрлігі.

«Әскери оркестрлердің қызметі түрлі салтанатты шараларды сүйемелдеу (қорғаныс ведомствосы басшыларының ресми кездесулері, әскерлер парады, спорттық-бұқаралық және қайырымдылық шаралар), беделді республикалық және халықаралық фестивалдар, жарыстар мен  байқауларға қатысудан тұрады» дейді. Әскери оркестрлердің репертуарын әскери-оркестрлік қызмет бастығы мен оркестрлердің жетекшілері мұқият құрастырып, нақты шараларға лайықтап сұрыптайды. Көрермен назарына ұсынылатын шығармалардың орындау сапасын музыканттар тұрақты түрде өтіп тұратын дайындықтарда пысықтайды», - дейді ҚР ҚК Әскери-оркестрлік қызметінің бастығы майор Тимур Жартыбаев. 

Тимур Жартыбаевтың айтуынша, 2015 жыл қазақстандық әскери музыканттар үшін орасан жоспарларға толы.

«Біріншіден, Ұлы Отан соғысындағы Жеңістің 70 жылдығына арналған әскерлер парадына қатысамыз. Сонымен қатар, біз Жеңістің құрметіне Астанада әскери үрмелі оркестрлердің бірінші халықаралық фестивалін өткізу туралы бастама көтеріп отырмыз. Екіншіден, біз үшін дәстүрге айналған үрмелі оркестрлердің жыл сайынғы «Астана самалы» фестиваліне қатысамыз. Сондай-ақ, Мәскеуде өтетін «Спасская башня» фестивалінде өнер көрсетпекпіз» дейді. Қазақстандық әскери музыканттар өз шығармашылықтарын бөлісуге қашанда дайын. Сол үшін олар жоспарлы ресми шаралардан бөлек қалалық алаңдарда, стадиондарда, білім мекемелерінде тұрақты түрде шағын концерттер өткізіп тұрады», - дейді.

Бүгінде елімізде 23 әскери оркестр жұмыс істейді. Олардың қатарында бес жүзден астам әскери қызметшілер мен ҚР ҚК қызметкерлері бар. Әскери оркестрлер – Қарулы Күштерді көріктендіріп, олардың орындауындағы шығармалар Отанға деген патриоттық сезім мен сүйіспеншілікті оятады.

Барлық жаңалықтар