Астанада 2014 жылдың желтоқсанында ең төменгі күн көріс деңгейі 1,5%-ға өсті
8 Қаңтар, 2015 10:02
Астанада 2014 жылдың желтоқсанындағы күнкөрістің ең төменгі деңгейінің шамасы 21083 теңгені құрады, деп хабарлады қаланың статистика департаменті.
Жалпы ең төменгі күнкөріс деңгейі алдағы айлармен салыстырғанда 2014 жылдың желтоқсан айында 1,5%-ға өсті.
Негізгі тамақ өнімдерін тұтынудың ең төменгі нормаларынан есептелген орта есеппен халықтың жан басына шаққандағы күнкөрістің ең төменгі деңгейінің шамасы 2013 жылмен салыстырғанда 9,8%-ға артты. Оның құрылымында ет пен балықты сатып алуға жұмсалған шығыстардың үлесі 22,4%, жемістер мен көкөністер - 10,8%, сүт, май және тоң май өнімдері мен жұмыртқаны – 16,2%, нан және жарма өнімдерін – 8,7%, қант, шай және дәмдеуіштерді - 1,9%-ды құрады.
