Қызылорда облысында Рождество мерекесі аталып өтті
7 Қаңтар, 2015 15:54
Облыс әкімі Қырымбек Көшербаев шіркеуде болып, оған жиналған көпшілікті мерекемен құттықтады, деп хабарлайды әкімдік.
Облыс әкімінің айтып өткеніндей, Мемлекет басшысының жүргізіп отырған саясатының арқасында қоғамда ұлт пен діндер арасындағы бейбітшілік пен келісім өз деңгейінде салтанат құрған. Елде барлық діни мерекелерге бір деңгейде құрмет көрсетілуде.
"Биыл біз Конститциямыздың 20 жылдығы мен Қазақстан халқы Ассамблеясының 20 жылдығын тойлаймыз. Мемелкет басшысының Қаулысымен 2015 жыл Қазақстан халқы Ассамблеясы жылы болып жарияланды. Қазіргі таңда елдегі проваслав сеніміндегі халық Қазақстан тұрғындарының 30 пайызға жуығын құрайды. Барлығымызға тек ізгіліктер мен қоғамға бейбітшілік тілеймін", - деді әкім.
Шара соңында православ сеніміндегілер діни шараларын атқарды.
