2014 жылы 7 мыңға жуық этникалық қазақ тарихи отанына оралды
7 Қаңтар, 2015 10:01
2014 жылы 7 мыңға жуық этникалық қазақ тарихи отанына оралды деп хабарлайды ҚР Денсаулық сақтау және әлеуметтік даму министрлігінің баспасөз қызметі.
"2014 жылғы 9 айда Қазақстанға оралмандардың 3347 (6761 адам) отбасы келді. Гендерлік құрамы бойынша: ер адамдар – 3438, әйелдер – 3323 адам, балалар – 1598 адам. Еңбекке жарамды жастағы тұлғалар – 4768, зейнеткерлік жастағы тұлғалар – 395 адам болып бөлінеді" делінген аталған хабарламада.
Келген қандастарымыздың арасында 368 адам жоғары білімді, орта мамандандырылған білімі бар - 869 адам, жалпы орта білімді – 2592 адам, білім алмағандары 938 адамды құрайды екен.
