• Басты
  • Қазақстандық құтқарушылар ардагерлерді құттықтады

Қазақстандық құтқарушылар ардагерлерді құттықтады

6 Қаңтар, 2015 16:32
Батыс Қазақстан облыстық ТЖ департаменті басшысы полковник М.Кұлдықов пен ардагерлер ұйымы төрағасы Е.Машанов ұзақ жылдар бойы азаматтық қорғаныс жүйесінде еңбек еткен тыл ардагерлерін Жаңа жылмен құттықтады.

Департамент бастығы барлық ардагерлерге мықты денсаулық, береке тілеп, оларға сыйлықтар табыс етті.

 «Елбасымыздың саясаты арқасында Қазақстан тез қарқынмен дамып келе жатыр. Біздің қатарластарымыз соғыстан кейін қиын жағдайда өмір сүрді. Ал қазіргі заманда азаматтарымыздың береке-бірліктері жарасып, жасөспіріміздің бақытты балалық шақтарына көзіміз жетіп тұрғанымызға ризамыз», - деді өз сөзінде Пелагея Зиновьевна Самарцева.

Сонымен қатар зейнеткерлерді қолдау аясында 11 тыл еңбеккеріне материалдық көмек көрсетілді. Азаматтық қорғау жүйесінің ардагерлері департамент басшылығына көңіл бөліп, қамқорлық көрсеткендері  үшін алғыстарын айтты.

Қарағанды облысында да төтенше жағдайлар органдарының ардагерлеріне сыйлықтар тапсырылуда. Қарағанды облсының ТЖ органдарының ардагерлер Кеңесінің төрағасы М.С.Есентаев және өртке қарсы қызметтің қызметкерлері Жаңа жыл қарсаныңда зейнеркерлердің үйлеріне барып, жеке материалдық көмек көрсетуде. Көмек 361 ардагерге тапсырылады. Бүгінгі күні зейнеткерлердің жартысы өздерінің жаңа жылдық сыйлықтарын алды.

ТЖ органдарының ардагерлер ұйымы және Өрт сөндіру қызметінің жеке құрамы ардагерлерге, мүгедектерге, соғыс және еңбек ардагерлеріне әлеуметтік көмек көрсету бойынша дәрі-дәрмек сатып беріп, отынмен қамтамасыз етіп және үйлеріне жөндеу жұмыстарын жасау сияқты әртүрлі іс-шаралар ұйымдастырады. 

Барлық жаңалықтар