Ақтөбедегі Жасөспірімдер үйінің тәрбиеленушілеріне миллион теңгелік сертификаттар табысталды
6 Қаңтар, 2015 16:03
Он жеті ақтөбелік жетім баланың «Тұрғын үй құрылыс жинақ банкіндегі» шотына бір миллион теңгеден қаржы түсті, деп хабарлады облыстың ішкі саясат басқармасы.
Жуырда «Тұрғын үй құрылыс жинақ банкінде» балалар үйінің 12 тәрбиеленушісінің атынан шот ашылды. Оларға жүз мың теңгеден салынды.
«Осылайша сіздердің тұрғын үй мәселесін шешулеріңізге көмектеспекпіз, - деді облыс әкімі Архимед Мұхамбетов жаңа жыл мерекелерімен құттықтай жасөспірімдер үйіне барған жолында.
2014 жылы облыс әкімі жетім және ата-ана қамқорынсыз қалған балаларды баспанамен қамту бойынша кешенді жоспарға қол қойды. Жоспар 3 жылға шақталған. Осы уақытта 339 жетім баланы тұрғын үймен қамту көзделген.
