Жаңа жыл түнінде Астанада 68 нәресте дүниеге келді
6 Қаңтар, 2015 14:32
31-нен 1-не қараған түні елордада 68 бала өмірге келді, деп хабарлайды қалалық денсаулық сақтау басқармасы.
Соның ішінде 41 ер бала болса, 27-і қыз бала.
Жалпы Астанада демографиялық көрсеткіштердің жақсарғандығы байқалады. Астана қаласы халқының саны 2014 жылғы 1 қарашадағы жағдайы бойынша ағымдағы есепте 847 730 адамды құрады, соның ішінде Алматы ауданында - 378 624, Есіл ауданында - 124 970, Сарыарқа ауданында - 344 136 адам.
Астана қаласы Статистика департаментінің хабарлауынша, 2014 жылғы қаңтар-қазан айларында қалада 20 287 бала туған, бұл 2013 жылдың сәйкес мерзімімен салыстырғанда 10,6% артық. Бұл ретте халықтың табиғи өсімі 2013 жылдың қаңтар-қазан айларымен салыстырғанда 12,3% ұлғайып, 17 325 адамды құрады.
