2015 жылы Шу-Алматы бөлігіндегі екінші жол құрылысы мен оны электрмен қамтуға 39,6 млрд теңге бөлінді
2015 жылдың 5 қаңтары күні «Қазақстантеміржолы» ҰҚ» АҚ - «Жамбыл жол бөлімшесі» Шу-Луговой теміржол бөлігін электрификациялаудың 20 жылдығына арналған мемориалды белгінің ашылуы өтті.
Электрлендірілген темір жолдар ТМД мен Қазақстанның көлік жүйесінде бүгінде негізгі күш болып болып, жүк және жолаушы тасымалының денін атқарып келеді.
Алматы темір жолының электрлендірілуі 1984 жылы Мойынты-Шу бағыты басталды. Шу темір жол бөлімшесінің алғашқы электрлендіріліген Мойыннты-Сарышаған бөлігі 1985 жылы маусымда қабылданды. 1986 жылы Саршған-Шығанақ бөлігі электрленіп, 1988 жылы 30 қарашада электровоз Шу торапты стансасына солтүстік жағынан кірді.
Ал, 1995 жылы 4 қаңтарда ТрансҚазақстан темір жол магистралінің Луговой-Шу телімін электрлендіру аяқталған болатын. Облыс үшін ғана емес, бүкіл еліміз үшін маңызы зор тарихи оқиға саналған сол күнге биыл 20 жыл толып отыр.
Оның салтанатты іске қосылуына қатысқан Елбасымыз Нұрсұлтан Әбішұлы Назарбаев бұл желінің елімізге, халқымыздың болашақ өміріне тигізетін пайдасы өте зор екенін айта келіп, «Ұлы Жібек жолы болат магистралі арқылы қайта жаңғырып, осы арқылы Қазақстан Тынық мұхитта Еуропа елдеріне жететін трансконтиненттік темір жол желісіне қосылып отыр» деген еді.
Электрлендірілген Шу-Луговой темір жол телімінің іске қосылуының 20 жылдығына арналған «Синима парк» кинотеатрында салтанатты жиналыс өкізіліп, Шу стансасы вокзалында мемориалды белгі ашылып отыр.
