6 Қаңтар, 2015 17:32
Мемлекет 2014 жылы жұмыс істейтін декреттік демалыстағы әйелдер үшін 4 млрд. теңгеден астам зейнетақы жарналарын төледі
Бала күтіміне байланысты декреттік демалыстағы жұмыс істейтін әйелдер үшін 2014 жылы республикалық бюджеттен міндетті зейнетақы жарналарын субсидиялау түрінде 4 млрд. теңгеден астам қаржы төленді, деп хабарлады ҚР ДСӘДМ.
Министрліктен атап өткендей, 2014 жылғы 1 қаңтардан бастап бала 1 жасқа толғанға дейін оның күтімі бойынша декреттік демалыстағы жұмыс істейтін әйелдерге зейнетақы жинақтарын міндетті субсидиялау енгізілді.
2014 жылғы 1 желтоқсандағы жағдай бойынша 101024 алушының жеке зейнетақы шотына 4,06 млрд. теңге аударылды. Субсидияның орташа мөлшері 4021 теңгені құрады.
