• Басты
  • Қазақстанда жәбірленушілерге көмек көрсету қоры құрылады

Қазақстанда жәбірленушілерге көмек көрсету қоры құрылады

5 Қаңтар, 2015 18:21
Қазақстанда алдағы уақытта жәбірленушілерге көмек көрсету қоры құрылады, деп мәлімдеді бүгін ҚР Бас Прокуратурасы департаментінің директоры Әмірхан Аманбаев Қылмыстық-процессуалды заңнаманың жаңа моделіне өту мәселесіне арналған брифинг барысында.

Оның айтуынша, аталған қор жаңа Қылмыстық-процессуалдық заңнамаға сәйкес қылмыскерлерден тәркiленген және заңсыз табылған мүлiктердiң негiзiнде құрылмақ.

"Шет елдерге қашып кетiп немесе iзiн жасырып, ұстатпай жүретiн қылмыскерлер бар. Iс ұзаққа созылып, жапа шеккендердiң моральдық және материалдық шығындары өтелмей қалады", - дейді Аманбаев.

Сондықтан Қазақстанда қылмыстан жәбiр көргендерге көмек беру және материалдық шығындарды өтеу қоры құрылады. Бұл тәжiрибе батыс елдерiнде бар. Ендi сондай қор бiзде де құрылатыны анық. Тиiстi жұмыстар атқарылуда.

Оның сөзiне қарағанда, қордың жалпы тетiктерi жасақталуда.

Камила Амирова

Барлық жаңалықтар