2014 жылы коммерциялық жылжымайтын мүліктің жалдау құны 3,3%-ға қымбаттады
5 Қаңтар, 2015 12:33
2014 жылы коммерциялық жылжымайтын мүліктің жалдау құны 3,3% көбейді, деп хабарлайды ҚР Ұлттық экономика министрлігінің Статистика комитетінің баспасөз қызметі.
Хабарламаға сай, 2014 жылдың желтоқсан айында 2013 жылдың осы уақытымен салыстырғанда коммерциялық жылжымайтын мүліктің жалдау құны 3,3% көбейген.
Атап айтар болсақ, 2014 жылы фитнес клубтары мен шынығу залдары 8,3%, валюта айырбастау пунктері 6,8%, мейрамханалар 6,5%, өндірістік цехтер 6,2%, дәріханалар 5,8% қымбаттаған.
Өткен жылы мейрамханалар мен қоғамдық тамақтану орындарын жалдау құны 4,5%, өндірістік нысандарды жалдау құны 4,2% қымбаттаған.
