Қазақстан халқы бейбітшілік пен келісімде өмір сүру керек – ардагерлер

Петропавл қаласында барлығы  167 ардагер бар. Акция шеңберінде қала әкімі М. Тасмағанбетов Елбасы атынан ардагерлерді келе жатқан Жаңа жылымен құттықтады.

Алғышқы болып Мемлекет басшысының құттықтауын Макарова Елена Степановна қабылдады. Ол соғыс жылдары екінші  Балтық жағалауы фронтында әскери борышын өтеген.  

Сонымен қатар, Президент Нұрсұлтан Назарбаевқа жылы лебізін соғыс ардагері Қалиев Қабдош Қалиұлы білдірді. Ол өзінің соғыс жылдарындағы естеліктерін айта отырып, барша халыққа келер жыл бақ, береке әкелсін деп тіледі.

Ал, Машкина Марина Дементьевна болса сұм соғыс жылдарын көзіне жас ала отырып еске алды. Ол 1944 жылдан бастап соғыс аяқталғанға дейін  Псковск облысындағы 4 Ленинградтық бригаданың екінші полкының 41-ші партизандық отрядында соғысқа қатысты.

Сондай-ақ, Президенттің көңіліне Турашев Василий Сергеевичте риясыз алғысын білдірді.  Ардагер басты мереке 2015 жылы  — Жеңістің 70-жылдығын күтіп отыр.

Әр ардагердің артында өзіндік фронттық тарих пен әскери өмір жатыр. Алайда олардың барлығы халқына бақ, береке мен бейбіт заманда өмір сүруді тілейді.