• Басты
  • ҚР Президенті баланың әкеге және атаға қалай құрмет көрсетуі керек турасында сабақ береді – Гойхман

ҚР Президенті баланың әкеге және атаға қалай құрмет көрсетуі керек турасында сабақ береді – Гойхман

5 Қаңтар, 2015 10:18
Мен әрқашан Нұрсұлтан Назарбаевтың сөздерін қалт жібермеуге тырысамын, олар өздерінің жаңашылдығымен таңқалдыруын қойған емес, деп ағынан жарылды еңбек ері, Қазақстан халқы Ассамблеясы облыстық филиалының мүшесі, «Қарағандылық еврей мәдениеті орталығы» ҚБ мүшесі Геннадий Гойхман Strategy2050.kz АА берген сұхбатында.

«Осындай құттықтауларының қатарына мен Президенттің Ұлы Отан Соғысы ардагерлеріне арналған сөзін атап өтер едім. Нұрсұлтан Әбішұлы Жаңа жыл қарсаңында Ұлы жеңістің 70-жылдығына орай Президенттік акцияға бастау беріп, рухани серпіліс жасады. Мыңдаған соғыс ардагерлері Президент атынан алғыс хаттар мен сыйлықтар алды», - деп атап өтті еңбек ері.

Г. Гойхман баса айтқандай, ҚР Президенті баршамызға баланың әкеге және атаға қалай құрмет көрсетуі керек турасында сабақ берді. Бұл әлем халықтары мен олардың билеушілеріне үлгі.

«Мен ауызбіршілігі мен ынтымағы жарасқан елде тұратынымды мақтан тұтамын. Мен өзімнің жасыма қарамастан қиындығы көп медицина саласында әлі де қызмет етіп келемін және өз елімнің өсіп өркендеуіне кішкентай болсада үлес қосып келе жатқаным үшін бақыттымын. Президенттің бұл игі шарасы жақсылық пен бейбітшілік символына айналсын деп шын жүректен тілеймін», - деді ол. 

Барлық жаңалықтар