Түркістанда Кәсіпкерлерге қызмет көрсету орталығы ашылды

Қалалық КҚКО-да қазақстандық компаниялардың бизнес процестерінің тиімділігін арттыру, корпоративті басқару саласындағы қолдау шаралары ұйымдастырылады. Өздеріңізге де белгілі, «Даму» қоры облыс орталықтары, моноқалалар мен аудан орталықтары және шалғайдағы елді мекендерде жүргізілетін кәсіпкерлер құзіретін дамыту бағдарламасын дайындады. 2013 жылдан бастап Қордың Кәсіпкерлерге қызмет көрсету орталықтары Қазақстанның барлық облыс орталықтарында жұмыс істеуде.  

«Кәсіпкерлерге қызмет көрсету орталықтары жұмыстарының тиімділігі «Даму» Қорының өңірлік бөлімшелерімен бірге еткен қызметтерінен байқалады. Бұл өз кезегінде барлық деңгейдегі шағын және орта кәсіпкерлік көрсеткіштерінің саны мен сапасын арттыруға мүмкіндік берді. Өңірлердегі жаңа жобалар саны артып келе жатыр. Бұл өз кезегінде аймақтардағы әлеуметтік-экономикалық дамуға серпін береді», - дейді Оңтүстік Қазақстан облыстық «Даму» қоры өңірлік бөлімшесінің директоры Самат Ақылбеков.

Қордың хабарлауынша, «Даму» қоры Кәсіпкерлерге қызмет көрспету орталықтарында бастауыш кәсіпкерлер мен тәжірибелі кәсіпкерлерге тең жағдайда «бір терезе» қағидасы бойынша қызметтер кешені көрсетіледі. Онда барлық саланың бастауыш және бұрынннан жұмыс істеп келе жатқан кәсіпкерлеріне кәсіпкерлік қабілеттерін үйретіп, кәсіптің тиімділігін анықтап сараптама жүргізеді.