БҚО-да «Жылдың үздік спортшысына» пәтер берілді
«Батыс Қазақстандықтар Сочидегі қысқы Олимпиада ойындары мен Инчхондағы Азия ойындарында да абыроймен өнер көрсетті. Сонымен қатар Азия, Қазақстан халықаралық турнирде де жеңіске қол жеткізді. Осылайша Елбасының салауатты өмір салтына үлкен мән берілген мемлекеттің стратегиялық саясатын орындауда үдеден шыға білді», - дейді облыс әкімі Б.Мәкен.
Облыс әкімінің алғыс хаты ел Президентінің сыйлығы сарапқа салынған ҚР Халық спортының V ойындарын жоғары деңгейде өткізгені үшін Бурлинский ауданы әкімдігі мен ҚР ауыл жастары ойынларының облыстың II кезеңін ұйымдастырғаны үшін Теректі әкімдігіне және облыстық қазақ күресі федерациясы президенті Қаймен Есендияровқа, облыстық дзю-до федерациясы президенті Қасым Искаковқа, спорттық шаралар ұйымдастырғаны үшін кәсіпкер Мұрат Жақыбаевқа берілді.
«Жылдың үздік спортшысы» аталымында байдарка мен каноэда ескек есу бойынша халықаралық деңгейдегі спорт шебері, 2014 жылғы Азия ойындарының алтын алқа иегері Алексей Дергунов танылды. Облыс әкімі атынан оған пәтер кілті табысталды. Оның бапкері Александр Акунишниковқа «Қазақстан Республикасы еңбек сіңірген бапкері» атағы берілді.
«Үздік қоғамдық бірлестік» аталымында мүгедектер спортынын дамытуға қосқан үлесі үшін «Ұлттық паралаимпиада комитеті» қоғамдық бірлестігі облыстық бөлімшесінің басшысы Азон Шаймарданов үздік деп танылды.
