СҚО-да 2014 жылдың қорытындысы шығарылды
4 Қаңтар, 2015 10:01
СҚО-да 2014 жылдың қорытындысы шығарылып, 2015 жылдың жұмыс жоспары қаралды, деп хабарлайды облыс әкімдігі.
"Облыс өткен жылы үлкен нәтижелерге қол жеткізді. Мысалға, "Солтүстік" ӘКК, болжам бойынша, 100 млн теңге табыс көрген. Бұл негізгі жоспардан үш есе жоғары. Жетістіктің ең басты себебі жер қойнауын игерущілердің еңбегінің арқасы. Қазіргі таңда ӘКК 13 инвестициялық жобада жұмыс істеп жатыр", - делінген хабарламада.
Тағы бір жемісті сала - туризм. Басқарма келер жылы көпшілік шараларды қолға алмақ. Атап айтар болсақ, Қымыз фестивалін өткізу ойда бар.
2014 жылы барлық деңгейдегі әкімдер жалпы саны 873 кездесу өткізді. 1909 ұсыныс пен ескерту енгізілді. Облыс әкімі Ерік Сұлтанов тұрғындармен виртуалды байланысты да естен шығармауды тапсырды. Олар күн сайын ғаламтор сайттарына да кіріп тұруы міндеттелді.
