Өтіп бара жатқан жыл дамудың келесі кезеңіне бастайтын оқиғалармен айшықталды – Назарбаев
1 Қаңтар, 2015 10:02
Өтіп бара жатқан жыл дамудың келесі кезеңіне бастайтын оқиғалармен айшықталды , деді Нұрсұлтан Назарбаев өзінің ресми құттықтауында.
«Өтіп бара жатқан жыл дамудың келесі кезеңіне бастайтын оқиғалармен айшықталды», - деп атап өтті Н.Назарбаев.
«Біз алдағы жылы күш-қуатымызды еселейтін ауқымды нарықтың есігін ашамыз. Бағдарымыз – белгілі, таңдауымыз – айқын, мақсатымыз – биік. Баршаға шұғыла шашатын «Нұрлы жол» бүкіл еліміздің күретамырына айналды. Келер жыл – терең тарихымызға, құқықтық негізімізге, берекелі бірлігімізге құрмет көрсететін жыл. Ынтымағы жарасқан халқымыз осы айтулы оқиғаларды лайықты атап өтеді деп сенемін. Қазақ халқы қой түлігін ежелден құт-берекенің басы деп білген. Ендеше, алдағы Қой жылы молшылық пен ырысын ала келсін! Еліміздегі әр шаңырақтың дәулеті мен сәулеті артып, татулығымыз нығая берсін!», - деп Мемлекет басшысы толықтырды.
