• Басты
  • Ақмола облысында «Шағын –ЭКСПО-2014» ғылыми жобалар көрмесі
31 Желтоқсан, 2014 14:31

Ақмола облысында «Шағын –ЭКСПО-2014» ғылыми жобалар көрмесі

Ш.Уәлиханов атындағы Көкшетау мемлекеттік университетінде «Шағын –ЭКСПО-2014» ғылыми жобалар көрмесі өтті, деп ҚР БҒМ хабарлады.
Ақмола облысында «Шағын –ЭКСПО-2014» ғылыми жобалар көрмесі

Онда студенттер мен ғалымдар ғана емес, сондай-ақ  кәсіптік қызметі мен жасына қарамастан  қатысуға тілек білдерген барлық ақмолалықтар өздерінің инновациялық тың идеяларын ортаға салды.

«Облыс әкімдігі, «Астана «ЭКСПО-2017» ҰК АҚ және «G-Global Халықаралық Хатшылығы»  ЗТҰ-ның қолдауы барысында  «Kazakhstan Innovations» ҚҚ-мен ұйымдастырылған  бұл іс-шара, олардың ойынша Ақмола өңірін «ЭКСПО-2017» халықаралық көрмесін өткізуге  тартуға, сондай-ақ ғылыми әлеуетті дамытып, озық идеялы тың жобалар мен технологияларды тікелей  өндіріске енгізуге  себепші болып, үлкен серпін береді», - делінген хабарламада.

Жалпы, аталмыш көрмеге қатысуға 70-тен астам өтінім берілген болатын, қырықтан астамының тұсакесері өткізілді, іс жүзінде барлығы дерлік дипломдармен марапатталды.

Министрліктен атап өткендей, үздік еңбектер «G-Global» ақпараттық-коммуникативтік алаңындағы трансляция, «Online EXPO -2017»  халықаралық конкурсына  қатысуға  ұсынылады, ал авторлары 2015 жылы өтетін Астаналық экономикалық  форумға біздің өңірдің атынан  қатысады.

«Модуль» ЖШС шебері Бостан Нурушев  өз идеяларының қазақстандықтарға пайдасының тиетінініне деген сенімі мол. Бұлай ойлауға негіздеме де жоқ емес. Өнертапқыштың «Қазақстанға бейімделген модульді биогазды қондырғы» жобасы «Қалдықтарды пайдаға асыру» аталымында жүлделі бірінші орынға ие болды. «Су ресурстары» аталымында да оның «Жылу желілеріне арналған жаңғыртылған құбыр» жобасы үздіктердің бірі болды. Нурушевпен әзірленген  мүгедектердің электр жеңіл арбасы пандустарсыз-ақ қозғалуға мүмкіндік береді. Бұл жоба «Үздік әлеуметтік бизнес-жоба» аталымында екінші болды.

Сонымен қатар, Көкшетау қаласындағы Жоғары техникалық мектеп оқушылары бірден төрт экспозияның тұсаукесерін көрсетіп, аталмыс жобалар комиссия мүшелерін қатты қызықтырды. Әсіресе, көпсатылы паркинг жобасы, сондай-ақ күн батареясын ұтымды пайдалануға арналған автоматтандырылған қондырғы  ерекше аталды.

Бұдан басқа, «Таңдау»  көпсалалы гимназиясының төртінші сынып оқушысы Адият Рахметулин желмен жұмыс істейтін қозғалтқыш көмегі арқылы энергия көзін өндіру жобасы де ерекше аталып өтті.

Іс-шара барысында Ш.Уәлиханов атындағы КМУ мен «Kazakhstan Innovations» ҚҚ арасында өзара түсіністік пен ынтымақтастық туралы меморандумға қол қойылды.

Барлық жаңалықтар
3.237.254.197, 192.168.88.100