• Басты
  • Астанада ҚР ІІМ емханасы бар орталық госпиталь ашылды
30 Желтоқсан, 2014 15:21

Астанада ҚР ІІМ емханасы бар орталық госпиталь ашылды

Бүгін Қазақстан Республикасының Премьер-Министрі К. Мәсімов Ішкі істер министрлігінің емханасы бар орталық госпиталін салтанатты түрде ашты. Емханасы бар орталық госпиталь халықаралық стандарттарға жауап бере алатын заманауи медициналық және зерттеу жүргізуге арналған құрылғылармен жабдықталған, деп хабарлады ІІМ.
Астанада ҚР ІІМ емханасы бар орталық госпиталь ашылды

Қазіргі таңда ІІМ ЕБОГ қаланың жетекші емханаларымен, «Астана медициналық университеті» АҚ-мен, операцияларға және ем жүргізуге қатысатын хирургия, урология, кардиология, неврология, терапия кафедраларының қызметкерлерімен ынтымақтастық жөнінде келісімге қол жеткізді.

Орталық госпиталь – 212 орындық, емхана стационары – бір ауысымда 500 адамды қабылдай алады. Жаңа госпиталь республика бойынша барлық тіркелуші контингентке медициналық көмек көрсетеді. Арнайы көмекке зәру құқық қорғау органдарының қызметкерлері, олардың отбасы мүшелері, құқық қорғау органдарының ардагерлері тұрғылықты мекенжайына қарамастан жоспарлы тәртіпте ем қабылдай алады.

ІІМ-нің емханасы бар орталық госпиталі – министрліктің әлеуметтік саясатының бөлшегі. Оның қызметі қоғамдық тәртіпті сақтаудың және азаматтарды қылмыстық қолсұғушылықтан қорғау және қылмысқа қарсы күресті қамтамасыз етудің тиімділігін арттыру үшін дені сау әрі жан-жақты мықты кадрлық ресурсты қалыптастыруға бағытталған.

 Орталықтың ашылу салтанатында Ішкі істер министрі Қалмұханбет Қасымов әлемдік экономикадағы жағдайға қарамастан, ел Президенті       Н.Ә. Назарбаевтың әлеуметтік қамтамасыз етудің маңызды аспектілеріне ерекше мән беріп отырғанын атап өтті. Үкімет қаражат бөліп, елорда Әкімдігі денсаулық сақтау объектілерінің қатарынан жер орнын бергені Орталықтың елорданың жүйелі құрылып жатқан медициналық кластерімен бітеқайнаса қызмет етуіне оң ықпалын тигізетіні сөзсіз.

«Астанаға көшірілген кезден бастап күткен ҚР ІІМ-нің емханасы бар орталық госпиталінің ашылуымен ішкі істер органдарының қызметкерлері мен ардагерлеріне көрсетілетін медициналық көмектің сапасы едәуір жақсарады» - деді Қ.Қасымов.

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды