• Басты
  • Алматыда 100-ден астам медицина қызметкері жаңа жатақханадан пәтер кілттерін алды
29 Желтоқсан, 2014 18:19

Алматыда 100-ден астам медицина қызметкері жаңа жатақханадан пәтер кілттерін алды

Бүгін Алматыда Алатау ауданының «Алғабас-6» ықшам ауданында салынған шағын отбасылық жатақханаға 138 алматылық медицина қызметкерлері қоныстанды, деп хабарлады қала әкімдігі.

Алматыда 100-ден астам медицина қызметкері жаңа жатақханадан пәтер кілттерін алды | Strategy2050.kz

Медицина қызметкерлеріне арнап салынған қызметтік жаңа жатақхананың ашылу салтанатында Алматы әкімі Ахметжан Есімов Мемлекет басшысының тапсырмасы бойынша қалада денсаулық саласын дамытуға үлкен назар аударылып отырғанын айтты.

«Қалада тек үш жылдың ішінде ғана осы сала бойынша 18 нысан салынды. Жыл сайын саланы қаржыландыру көлемі артып келеді. Биыл медицина қызметкерлері күніне орай біз өз мүмкіндігімізді қарастырып, тағы да 1 млрд. теңге бөлдік, Оның 660 млн. теңгесі саланың үздік қызметкерлерін ынталандыруға жұмсалды, 2,5 мың адам 180 - 280 мың теңге көлемінде сыйақы алды. Қалған 340 млн. теңге жатақхана салуға жұмсалды», - деді Ахметжан Есімов.

Қала басшысы халықты тұрғын үймен қамтамасыз ету бағдарламасы аясында 54 дәрігердің пәтер кілтін алғандығын, денсаулық саласындағы жақсы нәтижелерді де атап өтті.

«Біздің қолдау көрсетуіміздің арқасында халықтың денсаулығы да жақсара түсуде. Орташа өмір сүру жасы бойынша біздің қаламыз еліміз бойынша алдыңғы қатарда. Жалпы өлім, соның ішінде сәбилер мен аналар өлімі азаюда. Денсаулық сақтау көрсеткіші бойынша Алматы жетекші орында», - деді Ахметжан Есімов.

Шара соңында Алматы әкімі Жаңа жылмен құттықтап, жаңа жатақханаға қоныстанғандардың шаңырағына береке мен бақыт тіледі.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды