• Басты
  • БҰДСЖ аясында 2014 жылы денсаулық сақтау саласына 20 млрд теңге бөлінді
29 Желтоқсан, 2014 09:31

БҰДСЖ аясында 2014 жылы денсаулық сақтау саласына 20 млрд теңге бөлінді

ҚР Денсаулық сақтау және әлеуметтік даму бірінші вице-министрі С.З.Қайырбекова Тараз қаласында бірқатар медициналық ұйымдарда: Кардиохирургия және трансплантология ғылыми орталығында, қалалық №6 және №8 емханаларда, облыстық консультативтік-диагностикалық медициналық орталықта болды, деп хабарлады денсаулық сақтау және әлеуметтік даму министрлігі.

БҰДСЖ аясында 2014 жылы денсаулық сақтау саласына  20 млрд  теңге бөлінді | Strategy2050.kz

Медициналық қызметкерлермен және науқастармен кездескен Салидат Қайырбекова Елбасы Н.Назарбаевтың тапсырмаларына сай еліміздің денсаулық сақтау жүйесі алдында тұрған міндеттер туралы әңгімелеп, өңірдің медициналық қауымдастығын толғандырып жүрген сұрақтарына жауап берді.  

Қалалық балалар ауруханасы базасында Бірінші вице-министр медициналық-санитариялық алғашқы көмек мәселелеріне арналған кеңес өткізді.

С.Қайырбекова «Саламатты Қазақстан» мемлекеттік бағдарламасына сәйкес ағымдағы жылы Бірыңғай ұлттық денсаулық сақтау жүйесін (БҰДСЖ) амбулаториялық деңгейде енгізу басталғанын атап көрсетті. Яғни, бұған дейін «ақша науқаспен бірге жүреді» қағидасын іске асырудың арқасында науқастар жоспарлы емделу үшін ауруханаларды өздері таңдаса, енді бұл қағида емханалар деңгейінде жұмыс істей бастады. Емханаларды қаржыландыру қағидалары өзгеруде. Егер бұған дейін олар шығын сметасы бойынша қаржыландырылса, енді қаражат емханаға тіркелген әрбір науқасқа бөлінеді. Нәрестелер өлімін төмендету, онкологиялық ауруларды ерте кезеңде анықтау сияқты т.б. индикаторларға қол жеткізген жағдайда мекеме қосымша ынталандыру қаражатына ие болып, ол телімдік дәрігерлердің жалақысын арттыруға бағытталады. 2014 жылы бұл мақсатқа 20,3 млрд. теңге бөлінді. «БҰДСЖ енгізу өңірлерде денсаулық сақтау саласын қаржыландыруды түзетуге мүмкіндік берді»,-деді С.Қайырбекова.     

Медициналық мамандардың жетіспеушілігі мәселесіне қатысты Салидат Қайырбекова Қазақстан дәрігерлермен қамтамасыз ету жағынан әлемде 10-шы орынды алатынын алға тартты. Дегенмен, дәрігерлер мен мейіргерлер арасындағы диспропорцияны түзету керек. «2-ші және 3-ші мейіргер лауазымдарын енгізудегі мақсатымыз дәрігерлерді қосымша жұмыстардан босатып, олардың науқастарға көбірек көңіл бөлуін қамтамасыз ету»,-деді.  

Сондай-ақ, Бірінші вице-министр мамандар жетіспеушілігін шешуде жергілікті атқарушы органдар белсенді қатысуы керектігін, Министрлік өңірлерге жіберген мамандарға әлеуметтік жағдайлар жасалып, баспанамен қамтамасыз етілуі  тиіс деді.

Қазақстанда жалпы тәжірибе дәрігерлерінің саны артып, 2013 жылы 39% жетті.  Республиканың 2 өңірінде созылмалы ауруларды басқару бағдарламасы бойынша екі қанатқақты жоба іске асырылуда. Жоба нәтижелеріне қарай оны барлық өңірлерде енгізу жоспарланып отыр. 

Айта кету керек, халықаралық сарапшылар БҰДСЖ іске асыру нәтижелеріне «өте табысты» деген баға берді.  

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды