Алматыдағы желдеткіш зауыты республикадағы құрылыс көлемінің 70 пайызын қамтамасыз етеді
28 Желтоқсан, 2014 13:03
ҚР Президентінің «Алтын сапа» байқауы қорытындысы бойынша кәсіпкерлік саласындағы «Өндірістік бағыттағы үздік кәсіпорын» аталымында Алматы желдеткіш зауыты үздік деп танылды, деп хабарлайды «Ұлттық технологиялық даму агенттігі» АҚ баспасөз қызметі.
Зауыт 2011 жылы Инвестиция және даму министрлігінің қолдауымен құрылып, Ұлттық технологиялық даму агенттігі инновациялық құрылғылар алып, оны жұмыс орны санын арттыруға мүмкіндік беретін жаңа басқару технологияларын енгізді.
Бүгінде аталған зауыт республикадағы азаматтық және өндірістік құрылыс қажеттілігінің 70 пайызын қамтамасыз ете алады. АЖЗ тұтынушылары ретінде Қазақстан мен ТМД елдерінің химия, мұнай-газ, энергетикалық, машина құрастыру, азық-түлік, фармацевтикалық, жеңіл өнеркәсіп пен ағаш өңдеу саласын атауға болады.
