Астанада «Еріктері ұмытылмас рота» атты акция өтті
26 Желтоқсан, 2014 12:58
Кеше «Нұр Отан» партиясы Астана қалалық филиалы Қазақстан Республикасы Ауған және жергілікті соғыс ардагерлері одағымен бірлесе «Ерліктері ұмытылмас рота» атты акция ұйымдастырылды, деп хабарлады nurotan.kz.
25 желтоқсан - Кеңес әскерінің Ауған жеріне енгізілген күні болып есептелінеді.
Осыған орай, Астана қаласындағы интернационалист-жауынгерлерінің мемориалы алдында салтанатты жиын ұйымдастырылып, мемориал алдында гүл қою рәсімі мен митинг өткізілді.
Іс-шараға «Нұр Отан» партиясы Астана қалалық филиалының өкілдері, Ауған және соғыс ардагерлері одағының мүшелері, мемлекеттік және қоғамдық ұйым өкілдері, жастар қатысты.
