• Басты
  • «Мөңке» полигонында мотоатқыштар ротасы шабуыл дағдыларын пысықтады

«Мөңке» полигонында мотоатқыштар ротасы шабуыл дағдыларын пысықтады

25 Желтоқсан, 2014 18:09
«Оңтүстік» өңірлік қолбасшылығына қарасты 42062 әскери бөлімінің үшінші мотоатқыштар ротасы «Мөңке» полигонында өткен жоспарлы роталық-тактикалық оқу-жаттығуларында жақсы нәтижелер көрсетті, деп хабарлады ведомство.

Әскери қызметшілерге мүмкін болуы тиіс қарсылас үшін атыс шебінде көзге түспей позиция алып, шабуылдың қажетті машықтарын пысықтау тапсырылды.

42062 әскери бөлімінің командирі майор Бегімбет Тәжібаев: «жаттығуға қатысушылар взводтарды жауынгерлік үйлестіруге байланысты тәсілдерді тәжірибе жүзінде пысықтап, кәсіби шеберліктерін арттырды» дейді.

Ол, сондай-ақ, прапорщик Аман Әбдіров басқаратын гранатометшілер взводы мен капитан Олжас Жанаспаев басқаратын үшінші мотоатқыштар ротасының жеке құрамы арасында жақсы өзара іс-қимыл болғанын атап өтті.

 

Барлық жаңалықтар