• Басты
  • ҚР Мәжілісі жыл қорытындысын жасады
24 Желтоқсан, 2014 16:04

ҚР Мәжілісі жыл қорытындысын жасады

Мәжілістің осы жылға арналған соңғы жалпы отырысын өткізу барысында Палата Спикері Қабиболла Жақыпов ағымдағы сессия жұмысының аралық қорытындысын жасады, деп хабарлады Мәжілістің баспасөз қызметі.

ҚР Мәжілісі жыл қорытындысын жасады | Strategy2050.kz

Мәжіліс Төрағасының атап өткеніндей, депутаттық корпус Елбасының төртінші сессияның ашылуында жүктеген маңызды міндеттерін дер кезінде әрі сапалы орындау үшін бар күш-жігерін жұмсап келеді.

Осы жолда мәжіліс өкілдерінің қарауынан өткен негізгі заң жобаларының қатарында Президент жедел қарау жөнінде тапсырма берген мемлекеттік органдар деңгейлері арасындағы өкілеттіктердің аражігін ажырату, салық салу мен жер қойнауын пайдалану мәселелеріне қатысты құжаттар бар.

Сондай-ақ, Мәжіліс Спикері 2014-жылғы бюджетті нақтылау мен алдағы үш жылдық бюджетті қалыптастыру бойынша депутаттық корпустың тиянақты жұмыс атқарғанын алға тартты.

Осы ретте Қ. Жақыпов Елбасының саясатына сәйкес, әлемдік экономикалық дағдарыс салдарына қарамастан ел бюджетінің өз азаматтарының алдындағы барлық әлеуметтік міндеттемелерді толықтай орындауға бағытталғанын, сонымен қатар, «Нұрлы жол» жаңа экономикалық саясатты, соның ішінде 7 инфрақұрылымдық бағытты жүзеге асыруға толықтай қаржы бөлінгенін атап өтті.

Мәжіліс Спикерінің айтуынша, тұрғын-үй қатынастары мәселелері жөніндегі заңнаманың жаңаруы, сонымен қатар, бүгін мәжілісмендер екінші оқылымда мақұлдаған жастар саясаты туралы заң қазақстандықтардың, елдің игілігіне оң әсерін тигізетініне көңіл бөлді.

Жалпы сессия басталғаннан Мәжілісте 104 заң жобасы болды. Оның 38-і қаралып Сенатқа жолданды. Ал, 27 құжатқа Елбасының қолы қойылып, өз күшіне енді. Сондай-ақ, сессия басталғаннан бері 22 халықаралық келісім ратификацияланды.   

2014 жылды қорытындылай келе, Мәжіліс төрағасы оның Қазақстан үшін жақсы және жемісті жыл болғандығын атап өтті.

Бүгінгі күні Мәжіліс қоржынында эконмикалық және әлеуметтік маңызды салаларға қатысты 66 заң жобасы бар. Оның ішінде депутаттар бастамашы болған ең төменгі әлеуметтік стандарттар мен кепілдіктер туралы заң жобасын атап өтуге болады.

Мәжіліс Төрағасы депутаттық корпусқа, саяси партиялар парламенттік фракцияларының, Қазақстан халқы Ассамблеясының  мүшелеріне, мемлекеттік орган өкілдеріне бірлескен табысты жұмыс үшін өз алғысын білдіріп, 2015-жыл Қазақстан үшін ең дамыған 30 елдің қатарына кіру, халықтың әл-ауқатын көтеру жолындағы тағы бір жемісті жылдардың бірі болатындығын жеткізді.  

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды