• Басты
  • Кувейт Мемлекеті Қазақстанмен екіжақты және халықаралық мәселелерді кең ауқымда дамытуға әзір
24 Желтоқсан, 2014 15:19

Кувейт Мемлекеті Қазақстанмен екіжақты және халықаралық мәселелерді кең ауқымда дамытуға әзір

Қазақстан Республикасының Кувейт Мемлекетіндегі Төтенше және Өкілетті Елшісі Алмас Абдраманов Кувейт Әмірі шейх Сабах әл-Ахмад әл-Джабер Ас-Сабахқа Сенім грамоталарын тапсырды, деп хабарлады СІМ.
Кувейт Мемлекеті  Қазақстанмен екіжақты және халықаралық мәселелерді кең ауқымда дамытуға әзір | Strategy2050.kz

Сенім грамоталарын тапсыру рәсімінен кейін болған сұхбат барысында А.Абдраманов Кувейт Әміріне Қазақстан Президенті Н.Назарбаевтың ең ізгі тілектерін жеткізді. Ол Қазақстанның Кувейт Мемлекетіндегі Елшілігінің ашылуы екі ел арасындағы сауда-экономикалық, инвестициялық және мәдени-гуманитарлық салаларда екіжақты қатынастарды дамытып, Қазақстан мен Кувейт қатынастарының сапалы жаңа деңгейге шығуына мүмкіндік беретінін атап өтті. Қазақстан мен Кувейт арасындағы қатынастарды одан әрі дамытуға бар күш-жігерін жұмсайтындығына сендірді.

Министрлікте хабарлағандай, сұхбат барысында ҚР Президенті Н. Назарбаевтың Кувейт Мемлекетіне ресми сапарын өткізу талқыланды.

Кувейт Әмірі шейх Сабах әл-Ахмад әл-Джабер Ас-Сабах Қазақстанның әлеуметтік-экономикалық дамуына жоғары баға берді. Кувейттің Қазақстанмен екіжақты және халықаралық мәселелердің кең ауқымы бойынша қатынастарды одан әрі дамытуға әзірлігін растады. Шейх Сабах әл-Ахмад әл-Джабер Ас-Сабах Қазақстан Республикасының Президенті Н.Ә. Назарбаевқа өзінің ізгі тілектерін жолдап, Елші А. Абдрамановтың жұмысына табыс тіледі.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды