• Басты
  • Малайзиялық GMM Әлемдік және дәстүрлі діндер көшбасшылары Съезімен ынтымақтастық орнатуға мүдделі - СІМ
23 Желтоқсан, 2014 17:33

Малайзиялық GMM Әлемдік және дәстүрлі діндер көшбасшылары Съезімен ынтымақтастық орнатуға мүдделі - СІМ

ҚР Малайзиядағы Елшілігінде ҚР Елшісі Данияр Сарекенов Ұстамдылар күштерінің жаһандық қозғалысының (GMM) Бас директоры Сайфуддин Абдулламен кездесті, деп хабарлады Сыртқы істер министрлігінің баспасөз қызметі.
Малайзиялық GMM  Әлемдік және дәстүрлі діндер көшбасшылары Съезімен ынтымақтастық орнатуға мүдделі - СІМ

Малайзиялық серіктес, Оңтүстік-Шығыс Азия аймағында және жаһандық деңгейде ұстамдылық үдерісін ілгерілету, азаматтық қоғам институттарын дамыту, радикалдық тұжырымдамаларға қарсы күресу мақсатында 2010 жылы Малайзия Премьер-министрі Н.Разактың бастамасымен құрылған GMM-нің басты міндеттері туралы баяндап берді. Осы орайда, Ұстамдылар күштерінің 2-ші Халықаралық конференциясы 2015 ж. наурыз айында Куала-Лумпурда өтетіні атап айтылды.  

Елші Д.Сарекенов, өз кезегінде, малайзиялық қонаққа Әлемдік және дәстүрлі діндер лидерлерінің  Съезін шақыру бойынша ҚР Президенті Н.Ә.Назарбаевтың бастамасы туралы айтып берді. Қазақстандық дипломат, 2015 жылдың  10-11 маусымында Астана қаласында «Діни лидерлер мен саяси қайраткерлердің бейбітшілік және даму жолындағы үнқатысуы» тақырыбындағы мерейтойлық 5-ші Съезі өтетіні туралы хабарлады. Осы орайда, діндер мен мәдениеттердің арасындағы жаһандық сұхбатты ілгерілету, төзімділік мәдениеті мен өшпенділік пен экстремизмге қарсы өзара сыйластықты дамыту секілді Съезд пен GMM-ге ортақ негізгі басымдылықтары атап айтылды. 

Сонымен қатар, ҚР Елшісі, Қазақстан мен Малайзияның этникалық және конфессиялық алуандылық бойынша айқын ұқсастығын айтып, осыған орай ерекше қоғамдық-саяси институты – Қазақстан халқы Ассамблеясының қызметі туралы баяндап берді. 

Кездесу нәтижелері бойынша «GMM – Әлемдік және дәстүрлі діндер лидерлерінің Съезі» және «GMM – Қазақстан халқы Ассамблеясы» бағыттары бойынша жүйелі байланыстар орнату, соның ішінде өзара іс-шараларына қатысу және институтаралық қатынастарды нығайту бойынша уағдаластыққа қол жеткізілді. 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды