• Басты
  • Тәуелсіздік жылдары қоғамдық құрылысымыз толық өзгерді – Телеуов
23 Желтоқсан, 2014 18:48

Тәуелсіздік жылдары қоғамдық құрылысымыз толық өзгерді – Телеуов

Егемен еліміздің жыл өткен сайын еңсесі биіктеп, елеулі табыстарға жетіп келе жатқаны өмірімізден айқын аңғарылады. Бүгінде біз әлем мойындаған, өркениет көшінде өзіндік бет­бейнесі, мақтан тұтар мәдениеті, лайықты салт­дәстүрі бар елміз, деп мәлімдеді Strategy2050.kz ақпараттық агенттігіне берген сұхбатында Қызылорда облысы медицина орталығының директоры Мұрат Телеуов.
Тәуелсіздік жылдары қоғамдық құрылысымыз толық өзгерді – Телеуов | Strategy2050.kz

«Тәуелсіз мемлекетімізде 130-­дан астам ұлттың өкілдері өзара түсіністікте өмір сүріп жатқанының өзі біздің бірлігіміздің айқын мысалы бола алады. Бұған көрегендігі мен көсемдігін әлем мойындаған Елбасы Нұрсұлтан Назарбаев ұстанған салиқалы саясаттың жасампаздығы берік негіз қалап келе жатқаны шындық. Мемлекет басшысы, Ұлт көшбасшысы Н.Назарбаев Тәуелсіздік күніне орай Астанада өткен салтанатты жиында сөйлеген сөзінде еліміздің жүргізіп отырған сыртқы және ішкі саясаты халықтың даналығы екенін өте дөп басып айтты», - деді М.Телеуов.

«Әуелі экономика, сонан соң саясат», деген қағиданы басшылыққа алған тәуелсіз Қазақстанның Тұңғыш Президенті еліміздің ертеңін нұрлы етудің сәтті қадамдарын жасап, тәуелсіздігіміздің тұғырын бекітті. «Осы жылдар ішінде қоғамдық құрылысымыз толық өзгеріп, жаңа қоғам, жаңа кезең, жаңа болмыс келді. Халықтың ой­санасы, тұрмыс­тіршілігі бүтіндей өзгерді. Елімізде телегей ­теңіз тірліктер атқарылды. Қай салада болмасын кезең ­кезеңімен ауқымды істер жасалды. Соның ішінде денсаулық сақтау саласында да көптеген жұмыстар жүргізілді», - деді ол.

«Елбасының өзі бастап денсаулық сақтау саласына барынша назар аударылып, тұрғындар саулығын сақтауда ауыз толтырып айтарлықтай толағай табыстарға қол жеткіздік. Республика көлемінде, соның ішінде біздің Сыр өңірінде тұрғындар арасында медициналық көмектің қолжетімділігін арттыру мақсатында және медициналық қызметтің сапасын арттыруда едәуір істер тындырылды. Ауылдық жерлерде дәрігерлік амбулаториялар көптеп ашылса, қалалық емханаларда күндізгі бөлімдер ашылып, келушілерге қызмет көрсетуде», - деп мәлімдеді М.Телеуов.

Ол атап өткендей, «облысымызда күрделі оталар жасалуда. Мәселен, өзім басшылық жасайтын облыстық медицина орталығында ашық жүрекке жасалатын операцияны былай қойғанда, тұңғыш рет жасалған бүйрек ауыстыру отасы қызылордалық медицина саласы қызметкерлерінің елеулі жетістігі деп айта аламыз. Медицина саласына бөлініп жатқан қаржы көлемі де жыл сайын артып келеді. Мұның барлығы әрине, тәуелсіздігіміздің, егемендігіміздің және бірлігіміз бен ынтымағымыздың арқасында орын алып отырғаны белгілі. Біз бірлігі мықты елде тұратынымызды мақтан тұтып ғана қоймай, оған өзіміз де атсалысуды абыройлы міндет, азаматтық парыз санаймыз».

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды