2014 жылы Ақмола облысының жолдарын дамытуға 6,5 млрд теңге бөлінді – әкім

23 Желтоқсан, 2014 12:59

2014 жылы Ақмола облысының автокөлік жолдарын дамыту үшін 6,5 млрд теңге бөлінді.Бұл туралы ОКҚ брифингінде Ақмола облысының әкімі Сергей Кулагин мәлімдеді.

«Автокөлік жолдарын дамытуға 6,5 млрд теңге бағытталды, күрделі жөндеуден жергілікті маңыздағы 83 км жол өтті. Аудан орталықтарын 2020 жылға дейін жолаушылар тасымалдарының инфрақұрылымымен қамту үшін 6 автостанция мен 4 жолаушыларға қызмет көрсету орталығы ашылды», - деді әкім.

С.Кулагиннің айтуынша, осы басым бағыттарға Щучинск-Бурабай аймағының жолдарын дамыту, елорда маңындағы жолдарды, облыс орталығы, аудан орталығы мен Степногорск қаласы маңындағы автокөлік жолдарын дамыту енеді.

Сондай-ақ, тасымалдаушылар автобус маршруттарының қызметін атқаратын жолаушылар көлігін жаңартып отырады. Бизнестің жол картасы -2020 аясында пайыздық мөлшерлеме бойынша субсидиялау және несиелік кепілдендіру бойынша 2014 жылы 10 автобус пен микроавтобус алынды.

Индира Кауметова

Барлық жаңалықтар