• Басты
  • Н.Назарбаев пен В.Путин еуразиялық интеграциялық үдерістің даму барысын талқылады
23 Желтоқсан, 2014 09:01

Н.Назарбаев пен В.Путин еуразиялық интеграциялық үдерістің даму барысын талқылады

Қазақстан Президенті жұмыс сапары аясында Ресей Федерациясының Президенті Владимир Путинмен кездесті, деп хабарлады Ақорданың баспасөз қызметі.

Н.Назарбаев пен В.Путин еуразиялық интеграциялық үдерістің даму барысын талқылады | Strategy2050.kz

Мемлекет басшылары екіжақты ынтымақтастықтың басым салаларын, сондай-ақ еуразиялық интеграциялық үдерістің даму барысын талқылады.

Сонымен қатар, Нұрсұлтан Назарбаев пен Владимир Путин өңірлік және халықаралық күн тәртібінде тұрған өзекті жайттар жөнінде пікір алмасты. Елбасы Н.Назарбаев В.Путинмен алғашқы кездесуден бері 15 жыл өткеніне тоқталды. 

«Сіз 1999 жылы Үкімет төрағасы болған кезіңізде Алматыға келдіңіз. Осы жылдар ішінде Сіз Ресейде билік вертикалын қалпына келтірдіңіз, соның арқасында ол бүгінде мүлде басқа елге айналды. Өзіңіз жариялаған Жолдауды және ойға алған жоспарларды жүзеге асыруда үлкен табыстар тілеймін. Биыл біз Астанада Еуразиялық экономикалық одақ туралы шартқа қол қойдық. Ол келесі жылы жұмыс істей бастайды. Барлық кедергілерге қарамастан, біз бұл ұйымды қолдауға және оны өміршең әрі барлығы үшін тартымды етуге тиіспіз», – деді Нұрсұлтан Назарбаев.

Өз кезегінде Ресей Президенті екіжақты ынтымақтастықтың негізгі перспективаларына және интеграцияны әрі қарай тереңдету жөніндегі жоспарларға назар аударды. 

Мемлекет басшылары кездесу аясында 2013 жылғы 11 қарашадағы Қазақстан Республикасы мен Ресей Федерациясы арасындағы ХХІ ғасырдағы тату көршілік және одақтастық туралы шартты ратификациялау туралы грамоталармен алмасу жөніндегі Хаттамаға қол қойды.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды