2015 жылы Елорда күні «Астана – бейбітшілік пен келісім қаласы» ұранымен өтеді (ФОТО)

«Дәстүрлі шаралармен қатар біз бірқатар өзге шараларды өткізуді де жоспарлап отырмыз. 2015 жылы елорда күні «Астана – бейбітшілік пен келісім қаласы» ұранымен өткізілетін болады. Сондай-ақ, біз «Мен-қазақстандықпын» жастар форумын өткізуді жоспарлап отырмыз. Жалпықалалық ұлттық ойындар форумы да өтпек», - деді Л.Құсайынова.

Оның айтуынша, 2015 жылы ҚХА мерейлі мерекелерді өткізуге жұртшылықты молынан тартуды көздеуде.

«Біз қалалық мемлекеттік органдар мен ірі ұжымдық өндірістік кәсіпорындар арасында шығармашылық фестиваль өткізуді жоспарлаудамыз. Бұл біз жоспарлап отырған ірі шаралардың бірі», - деді ол.

Айта кетейік, 2015 жыл Қазақстан халқы Ассамблеясы жылы ретінде жарияланды, осы жылы Ассамблея құрылғанына тура 20 жыл толады. Айта кетейік, ҚХА ҚР-ның халықаралық беделін өсіріп, Қазақстанды ұлтаралық дауларды  келісіммен шешетін ел ретінде әлемге танытады. Ассамблеяның елге қосқан үлесі өте жоғары деңгейде бағаланады. Қазіргі таңда оның құрамында 350 адам бар.

Индира Кауметова