• Басты
  • Қазақстан ЕАЭО аясында зияткерлік меншік саласындағы 3 халықаралық келісімге қол қояды - Имашев
22 Желтоқсан, 2014 10:50

Қазақстан ЕАЭО аясында зияткерлік меншік саласындағы 3 халықаралық келісімге қол қояды - Имашев

Қазақстан ЕАЭО аясында зияткерлік меншік саласындағы 3 халықаралық келісімге қол қояды, деп хабарлады ҚР Парламенті Мәжілісіндегі Үкімет сағатында ҚР Әділет министрі Берік Имашев.
Қазақстан ЕАЭО аясында зияткерлік меншік саласындағы 3 халықаралық келісімге қол қояды - Имашев

«Бүгінде 2015 жылдың 1 қаңтарынан бастап күшіне енетін Еуразиялық экономикалық одақ аясында интеграциялық экономиканың маңызды бағыттарының бірі - зияткерлік меншік саласы. Сонымен, Келісімді жүзеге асыру аясында 2015 жылы үш халықаралық келісімге қол қою жоспарлануда. Атап айтар болсақ, тауарлық белгі, қызмет көрсету белгісі мен ЕАЭО мүше мемлекеттердің  аумағында тауар шығарылған жерлердің атауы  туралы келісімге қол қою көзделуде», - деді Б.Имашев.

Бұдан басқа, зияткерлік меншік нысандарына қатысты құқықты қорғау әрекетін үйлестіру бойынша келісімге қол қойылады деп күтілуде. «Құжат зияткерлік меншік саласында құқық бұзушылықты алдын-алу, ақпарат алмасу және заңнаманы жетілдіру бойынша ортақ ұсыныстар жасақтау мақсатында ведомствоаралық ынтымақтастықты көздейді. Үшіншісі - Авторлық және сабақтас құқықтарды ұжымдық негізде басқару тәртібі туралы келісім. Келісім авторлық сыйақыны төлеу, бөлу және оны орнатудың бірыңғай тәртібін бекітетін болады. Келісім жобасында жиналған сыйақыны бөлу мерзімі мен тәртібі нақты жазылады, ол бір жылда кем дегенде 1 рет жүргізілуі керек», - деп түсіндірді  министр.

Аталмыш халықаралық келісімдерді қабылдау зияткерлік меншік құқығын лайықты дәрежеде қамтамасыз етуге, шығармашылық қызметті ынталандыруға септігін тигізеді, деді ведомство басшысы.

Сонымен қатар, Б.Имашев атап өткендей, еліміздегі салалық ведомстволар отандық өндірісті дамыту мен ғылыми-техникалық әлеуетті арттыру бойынша шаралар қабылдауы тиіс.

Камила Амирова

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды