• Басты
  • Алматы облысында «Мейірімді жүрекпен» акциясы аясында 27 бала көмекке ие болды

Алматы облысында «Мейірімді жүрекпен» акциясы аясында 27 бала көмекке ие болды

22 Желтоқсан, 2014 10:47
«Нұр Отан» партиясы Алматы облыстық филиалы жанындағы «Жас Отан» Жастар қанаты, кеңес орталығының ұйымдастыруымен «Жастар-Отанға!» партиялық жобасы аясында республикалық «Мейірімді жүрекпен» акциясы өтті, деп хабарлады «Нұр отан» партиясы.

Акцияның мақсаты - әлеуметтік жағдайы төмен отбасылары мен  жетім балаларға көмек көрсету, мейірбандық құндылықтарды қоғамда кең тарату, балаларға деген жүректің жылу сезімін білдіру, олардың бойында өмірге деген талпыныс қасиеттерін ояту.

Талдықорған қаласы «Пятерочка» сауда орталығында орналасқан кеңес орталығында жасотандықтар 27 мүмкіндігі шектеулі, жетім, жағдайы төмен отбасы балаларына жиналған сый-сыяпаттарды жаңа жыл мейрамына орай қайырымдылық көмек ретінде тапсырды. 

«Бүгін балаларымның көңіл-күйі ерекше. Жаңа жылдық сыйлықтар, ізгі ниеттер мен Аяз ата тілегі көңілімізден шықты. Басқа да балалар жаңа жыл қарсаңында сыйлықтар алып, мәре-сәре болып жатыр. Жастардың бастамасымен осындай игі шара ұйымдастырып жатқандарына алғысымды айтамын», -  дейді  ата-ана Гүлзия Елтайқызы.

Сонымен қатар, орталыққа келген балалар Аяз атаға жыр шумақтарын айтып,  сый дорбасынан әр түрлі тәттілер алды. Балардың көңілін көтерген бұл акцияға ата-аналар да дән риза болып, рахметтерін айтты.

 


 

Барлық жаңалықтар