Алматы облысында білім беру процесіне Lesson study тәсілін енгізеді
22 Желтоқсан, 2014 09:48
Талдықорған қаласында Педагогикалық шеберлік орталығы, І.Жансүгіров атындағы Жетісу мемлекеттік университеті және Назарбаев зияткерлік мектебі арасында ынтымақтастық туралы үш жақты келісімге қол қойылды, деп хабарлады Алматы облысының әкімдігі.
«Келісімге қол қойған тараптар білім беру процесінде Lesson study педагогикалық тәсілін енгізуге көп мән берілетінін айтты», - делінген хабарламада.
Бұл тәсіл мұғалімдердің тәжірибесін ұштай отырып, білімін жетілдіруге, Кембридж университетіндегі әріптестерімен бірлесе жұмыс істеуге, педагогикалық практиканы ұйымдастыруға бағытталған және сабақ барысындағы әрекеттерді зерттеудің ерекше формасы ретінде танылған.
Базалық білім беру меркемелері ретінде Талдықорған, Текелі қалаларындағы, Көксу және Ескелді аудандарындағы мектептер таңдалып алынды.
