• Басты
  • Өскеменде ШҚО-ның ерекше табиғаты туралы фотокөрме өтті

Өскеменде ШҚО-ның ерекше табиғаты туралы фотокөрме өтті

21 Желтоқсан, 2014 15:03
Өскеменде «Құлпырған жасыл жер жүзі....» атты фотокөрме өтті, шараны ШҚО әкімдігі мен БҰҰДБ ұйымдастырып отыр.

ШҚО ақпараттық орталығы хабарлағандай, шараның мақсаты ШҚО-ның бай флора мен фаунасын көркем суреттерде бейнелеу. Фотокөрменің  атауы Абайдың өлеңдерінің бірінен алынды.  Фотокөрме  «Желсіз түнде жарық ай» өлеңінен алынған өлең шумағы бойынша аталды.

«Шығыс Қазақстан облысының аумағы ежелгі заманнан қоныстанған. Оның куәгері есебінде Алтайда, Зайсанқазаншұңқырында, Тарбағатай мен Сауыр жоталарында ежелгі кеніштердің, суландыру жүйелерінің, бекіністер мен қоныстардың іздері сақталған. Шығыс Қазақстан облысының жер қойнауы кен байлықтарына бай», - делінген хабарламада.

Айта кетейік, БҰҰ даму бағдарламасы шілде-тамыз айларында әлеуметтік желіде танымал болған фотокөрме ұйымдастырды.

Барлық жаңалықтар