• Басты
  • Қазақстанда 2020 жылға қарай қызмет көрсету саласы 830 мың жұмыс орнына көбейеді

Қазақстанда 2020 жылға қарай қызмет көрсету саласы 830 мың жұмыс орнына көбейеді

20 Желтоқсан, 2014 13:07
Қазақстанда 2020 жылға қарай қызмет көрсету саласындағы жұмыспен қамту 830 мың жұмыс орнына көбейеді, деді ОКҚ брифингінде ұлттық экономка вице-министрі Мәдина Әбілқасымова.

«Әлемдік тәжірибеден келе отырып, орташа кірісті елдерде қызмет көрсету саласы жұмыспен қамтудың көп бөлігін атқарады. Қазақстанда жылға қарай қызмет көрсету саласындағы жұмыспен қамту 830 мың жұмыс орнына көбейеді», - деді ол.

М.Әбілқасымова атап өткендей, салыстырмалы зерттеу қорытындысы бойынша әртүрлі саладағы «сапа», «қолжетімділік» ж»не «баға» талаптары бойынша Қазақстан 9 саланың 7-уі бойынша Бразилия, Ресей,Қытай, Малайзия, Түркия, БАӘ елдерінен артта қалған.

«Одан әрі қолжетімділік пен сапа басты рөл атқарып тұрғандықтан, келесі салалар  қаржы саласы, көлік және логистика, сауда, туризм, жылжымайтын мүлік, кәсіптік және денсаулық сақтау саласы белсенділікті қажет етеді», - деді ол.

Оның айтуынша, саланың дамуына кедергі келтіріп тұрған ұжымның төмен біліктілігі мен әр түрлі салада бәсекелестіктің жетіспеуі.

Индира Қауметова 

 

Барлық жаңалықтар