• Басты
  • Қырғызстан ЭКСПО-2017 көрмесіне қатысатынын мақұлдады
19 Желтоқсан, 2014 19:04

Қырғызстан ЭКСПО-2017 көрмесіне қатысатынын мақұлдады

Бүгін ЭКСПО-2017 комиссары – ҚР сыртқы істер министрінің бірінші орынбасары Рәпіл Жошыбаев бастаған қазақстандық делегация Қырғыз Республикасына жұмыс сапарымен барды, деп хабарлады ҚР СІМ.

Қырғызстан ЭКСПО-2017 көрмесіне қатысатынын мақұлдады | Strategy2050.kz

Сапар аясында ҚР Үкімет басшысының бірінші орынбасары Т.Сарпашевпен, осы елдің сыртқы істер министрі Э.Абдылбаевпен, Мәдениет, ақпарат және туризм министрі А.Мақсұтовпен және елдің Сауда-өнеркәсіптік палатасы президенті М.Шаршекеевпен екіжақты кездесулер ұйымдастырылды.

Кездесу барысында тараптар екіжақты ынтымақтастыққа қатысты мәселелер туралы ойларын ортаға салды. Р.Жошыбаевтың айтуынша, Қырғыз Республикасының Кедендік Одақ пен Бірыңғай Экономикалық Кеңістікке енуі жалпы еуразиялық интеграциялық қатынастарды дамытуға, соның ішінде Қазақстан экономикасының өсімін қамтамасыз етуге жол ашады.

Өз кезегінде Т. Сарпашев екіжақты ынтымақтастыққа жоғары баға бере келіп, Қырғызстанның ЭКСПО-2017 көрмесіне қатысатынын айтты.

Қырғыз елінің сыртқы істер министрімен өткен келіссөзде тараптар өзара байланыс пен сыртқы саясаттағы бастамалар мен халықаралық ұйымдар аясындағы өзара қолдау шараларының маңыздылығына тоқталды.

Р. Жошыбаев Қазақстанның жаңа экономикалық «Нұрлы жол» саясаты туралы егжей-тегжейлі баяндап, ЭКСПО-2017 көрмесі туралы әңгімеледі.

Мәдениет, ақпарат және туризм министрімен кездесуде қос елдің өкілдері туризм саласындағы бірлескен жобаларды ілгерілету мен Қазақстанның Қырғызстандағы туристік әлеуетін арттыру жайын талқылады.

ЭКСПО-2017 комиссарының айтуынша, Қазақстан Үкіметі қазіргі таңда шетелдік туристерге қолайлы жағдай жасау үшін түбегейлі бетбұрыстар жасап жатқанын тілге тиек етті.

Кездесу қорытындысы бойынша тараптар Р.Жошыбаевтың Қазақстан мен Қырғызстанға бір мезетте кіре отырып Ұлы Жібек жолы бағытының туристік жобасын бірлесе іске асыру туралы ұснысын жан-жақты зерттеуге келісті.

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды