«Expo Milano 2015» дүниежүзілік көрмесіндегі қазақстандық павильонның көлемі 2250 кв метрді құрайды (ФОТО)

«Барлық халықаралық көрмелер әмбебап және мамандандырылған болып бөлінеді. Миланда 2015 жылы өткізілетін әмбебап көрме.  Итальяндық Үкімет өз мойнына өткізу жауапкершілігін алды, ол 2015 жылы 1 мамыр мен 31 қазан аралығында 6 ай бойы өткізіледі. Ұлттық павильонның көлемі 2250 шаршы метрді құрайды», - деп мәлімдеді А. Мусин.

Сонымен қатар, бас комиссар хабарлағандай, «Expo Milano 2015» дүниежүзілік көрмесіне 148 мемлекет қатысады.

«Әр мемлекет ұлттық секцияда таныстырылады, біз елімізді ұсынып отырған тақырыпта көрсететін боламыз. Көрмеге 148 мемлекет қатысады, яғни олар бір жерде болады және жаһандық мәселелерді талқылап, оның шешімін іздейтін болады», - деп атап өтті ол.

Дүниежүзілік көрменің тақырыбы: «Ғаламшарды тамақтандыру, өмір үшін энергия».

«Бұл көрмелердің әр қайсысы жаһандық келелі мәселелерді көтереді. Миландағы көрме азық түлік дағдарысын көтеріп отыр», - деді Ә. Мусин.

Естеріңізге сала кетейік, Экспо-2015 көрмесі Миланда мамырдың 1 мен қазанның 31 аралығында өтеді. Көрме алаңының көлемі 1,7  млн кв м. Оны өткізу күндері миландықтар 20 млн қонақ келеді деп күтіп отыр.

Индира Кауметова