Алматыда ШОБ-ті несиелендіру 11 айда 48%-ға артты - әкім
19 Желтоқсан, 2014 11:51
Алматыда шағын және орта бизнесті несиелендіру 11 айда 421,7 млрд теңгені құрап, 48%-ға артты, деп мәлімдеді Алматы қаласының әкімі ОКҚ өткен брифингіде.
«ШОБ несиелендіру 11 айда 48%-ға артты. Президент жақында Ұлттық қордан ШОБ дамыту үшін 100 млрд теңге бөлу міндетін қойған болатын. Жасыратыны жоқ, біздің белсенді бизнесмендеріміз аталмыш бағдарлама қашан басталады деп күтіп отыр», - деді әкім.
Өз кезегінде, Алматы экономикасының негізі - шағын және орта бизнес, олар еліміз бойынша өндірілетін өнімнің үштен бір бөлігін шығарады. Алматы қаласының бюджетіне түсетін барлық салық түсімінің 60%-ын ШОБ қамтамасыз етеді. Оның үстіне шаһар орталық азиялық аймақта бизнес жүргізу үшін ең қолайлы алаң болып табылады.
Индира Кауметова
