Қазақстан діни экстремизм мен терроризмге қарсы іс-қимыл саласында халықаралық ынтымақтастықты кеңейтуде – Бас прокуратура

«Бізді экстермизмнің жеке көріністері айналып кетпейді. Біз заманауи және уақытындағы шаралар бойынша қауіп-қатердің алдын алуды жоспарлап отырмыз. Біз жылдамдатып жұмыс істеуге бейімделуіміз керек. Қылмыскерлер өздерінің белсенділігін уақыт сайын  жетілдіргендіктен, біз халықаралық және өзара қарым-қатынас ыңғайында қауіп-қатердің алдын алуымыз қажет», - деді А.Кравченко.

Бас Прокуратурада хабарлағандай, «Діни экстремизм мен терроризмге қарсы іс-қимыл  саласында халықаралық ынтымақтастық тиімділігін жоғарылату тетіктері»  семинарының басты мақсаты Қазақстанның құқық қорғау және уәкілетті органдарының діни экстремизм және терроризммен күрес аясындағы шет елдердің құзырлы органдарымен өзара іс-қимылының өзекті мәселелерін талқылау болып табылады.

Жиналыс барысында қазіргі заманғы ғаламдық қауіп-қатерлерге тосқауыл қою, экстремистік және террористік көріністердің профилактикасы және олардың жолын кесу шеңберіндегі халықаралық ынтымақтастықтың өзекті мәселелері талқыланды.

Терроризмді ескертуді заңнамалық қамтамасыз ету және оның тиімді тетіктерін қалыптастыру, радикалды діни идеологияны таратуға септігін тигізетін факторларды жою мәселелері қаралды.

Сондай-ақ діни экстремизм және терроризмге қатысты, соның ішінде террористік қызметтерді қаржыландырумен байланысты қылмыстық істерді тергеу барысында өзара іс-қимылды жетілдіру мәселелері қозғалды.

Камила Амирова