• Басты
  • ҚР-да дуальды білім беру жүйесіне 3 мыңнан астам кәсіпорын қатысты
19 Желтоқсан, 2014 11:32

ҚР-да дуальды білім беру жүйесіне 3 мыңнан астам кәсіпорын қатысты

Қазақстанда дуальды білім беру жүйесіне 3 мыңнан астам кәсіпорын қатыстырылған, деп хабарлады Қазақстан Республикасының білім және ғылым министрлігі.

ҚР-да дуальды білім беру жүйесіне 3 мыңнан астам кәсіпорын қатысты | Strategy2050.kz

«Бүгінде 3225 кәсіпорынның қатысуымен дуальды білім беру жүйесінің элементтері 280 колледжге енгізілген және ол 21 009 студентті қамтыды. ТжКБ ұйымдары, облыстың Білім басқармасы, кәсіпорындар мен Ұлттық кәсіпкерлер палатасының, аймақтық кәсіпкерлер палатасының арасында үшжақты және төртжақты меморандумға, ынтымақтастық туралы келісімге қол қойылуда», - деп хабарлады БҒМ.

Естеріңізге сала кетейік, Мемлекет басшысы ««Қазақстан-2050» Стратегиясы: Қалыптасқан мемлекеттің жаңа саяси бағыты» атты халыққа Жолдауында жеке бизнестің, үкіметтік емес және қайырымдылық ұйымдардың, жеке тұлғаның   әлеуметтік жауапкершілігі білім саласында көрініс табуы керек, деп атап өткен болатын.

Дәлірек айтсақ, Президент  «Кәсіпорындарда екінші курстан бастап өндірістік тәжірибеден өтуді заңды түрде міндеттеуді» баса айтқан болатын. Орта және жоғары оқу орындарындағы білім жоспарының бағытын тәжірибелік қабілетті меңгеру бойынша және нақты біліктілікті алу үшін арнайы оқу бағдарламасын енгізу туралы айтқан еді.

Осы ретте ведомствоның мәліметі бойынша 2014 жылы дуалды білім беру жүйесі енгізілген колледждердің саны 104-ке артты. «Дуальды білім беру жүйесі енгізілген колледждермен кәсіпорындардың санының артуы студенттерді өндірістік тәжірибеден өткізуге мүмкіндік беретінін дәлелдейді. Ал, кәсіпорында қосымша мамандарды даярлаусыз-ақ өзіне қажетті маманды дайындау мүмкіндігі туады», - деп атап өтті министрлікте.

2016 жылға қарай дуалды білім беру жүйесі 50%-ға артады, деп ведомстводан сендірді.

Сонымен қатар,  заңнамалық базаны қамтамасыз ету мақсатында Қазақстан Республикасы Парламентінің Мәжілісінде «Қазақстан Республикасының білім мәселелері бойынша кейбір заңнамалық актілеріне өзгертулер мен толықтырулар енгізу туралы» заң жобасы қаралуда.

Камила Амирова

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды