Қарағандыда мүмкіндігі шектеулі балаларға арналған 30 қайырымдылық акциясы өтеді

Жалпы құны 1314 мың теңге 1005 адамды қамтитын 31 мерекелік шара өткізу жоспарланған. Шара аясында Қарағанды қаласы Қазыбек би ауданы әкімдігінің шыршасына мүмкіндігі шектеулі 50 бала қатысады деп күтілуде.

Әкімдіктің хабарлауынша, қайырымдылық шарасын өткізу барысында зейнеткерлер мен мүгедектер, үйге келіп әлеуметтік қызмет көрсететін бөлімшелердің көмегіне мұқтаж балалар мен әлеуметтік аз қамсыздандырылған азаматтарға басымдылық беріледі.

Сонымен қатар, жаңа жыл қарсаңында әлеуметтік аз қамсыздандырылған және көпбалалы отбасылардың 20 баласы «Ертегілер әлемі» театры студиясында «Жаңа жыл – құт әкелсін елімізге» атты қайырымдылық шарасына қатысады. Жаңа жылдық салтанатты шара 20 мүгедек бала мен тағы әлеуметтік аз қамсыздандырылған отбасылардың 50 мүгедек баласының қатысуымен өтеді.

Тағы 30 бала ойын алаңдары мен қысқы сырғанақтардағы шараларға қатысса және  мүмкіндігі шектеулі  50 бала өзге де қайырымдылық шараларына жолдама алып отыр. Сонымен қатар, оларға арнайы тағайындалған сыйлықтар да бар.