• Басты
  • Ә.Жақсыбеков: Астана Мемлекет басшысының тапсырмаларын орындауда көшбасшы болуы тиіс (Фото)
18 Желтоқсан, 2014 18:51

Ә.Жақсыбеков: Астана Мемлекет басшысының тапсырмаларын орындауда көшбасшы болуы тиіс (Фото)

Бүгін Астана әкімі Әділбек Жақсыбеков қалалық Мемлекеттік кіріс департаментінің ұжымымен Елбасының «Нұрлы жол – болашаққа бастар жол» атты Қазақстан халқына арнаған Жолдауында айтылған тапсырмаларды орындау мәселелерін талқылады, деп хабарлады қала әкімдігі.
Ә.Жақсыбеков: Астана Мемлекет басшысының тапсырмаларын орындауда көшбасшы болуы тиіс (Фото)

Астана әкімінің атап өтуінше, елорданың дамуы «Нұрлы жол» жаңа экономикалық саясатында айтылған басты ережелерге негізделуі керек. Оның пікірінше, елорданың экономикалық дамуының маңызды кезеңдерінің бірі – оның өзін-өзі қамтамасыз ету деңгейіне шығуы. 2014 жылғы 1 желтоқсан жағдайы бойынша Астананың мемлекеттік бюджет кірісі департаментінің желісі бойынша мемлекеттік бюджетке түсім 660 млрд. теңгеден асты, соның ішінде жергілікті бюджетке 150 млрд. теңгеге жуық аударылды.

«Экономикалық саясатты модернизациялау мәселелері өзекті болып қалады және қазіргі кезде оларды шешудің жаңа жолдарын іздеу қажет. Елорданың бизнес климаты тартымды болу керек, кәсіпкерлердің қызметі мен бизнесті жүргізу қауіпсіз және мемлекет тарапынан заңсыз араласудан қорғалған болу керек, бұл осы ведомствоның жұмысын дұрыс жолға қоюға байланысты болады. Астана Мемлекет басшысының тапсырмаларын орындауда көш ілгері болу керек. Мұнда болып жатқанның барлығы мультипликативтік әсерге ие болуы шарт», – деп атап өтті Ә.Жақсыбеков. 

Астана қаласының мемлекеттік кіріс департаментінде мыңнан астам қызметкер жұмыс істейді, аталған мекеме қаланың экономикалық саясаттарының жаңа қағидаттарын жүзеге асыруда басты органдардың бірі болып табылады.

2015 жылы қалалық бюджет 335 млрд. теңгені құрайды, жеке табысы 160,8 млрд. теңгеден астам көлемде бекітілді, соның ішінде 90% жуығын салық түсімдері құрайды. 

Астана әкімі Мемлекеттік кіріс департаментіне мемлекеттік қызметтерді ұсыну сапасын жақсарту бойынша мәселелерді пысықтауды, сонымен қатар, сыбайлас жемқорлықтың алдын алу және түсіндіру жұмыстарын тұрақты жүргізуді тапсырды. Қала басшысы Мемлекет басшысының Жолдауында көтерілген бастамалар Қазақстанның астанасының тұрақты дамуын жалғастыру үшін Мемлекеттік кіріс департаментінің жұмысына серпін беретіні сөзсіз екендігін атап өтті. 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды